هەوكردنی ریخۆڵە كوێرە یەكێكە لە گرفتە باوەكانی نەشتەرگەری، ریخۆڵە كوێرە ئەندامێكی بچووكە لە سەرەتای کۆلۆن پێكدێت لە زۆر لیمفە شانە كە رۆڵیان هەیە لە بەرگری كۆئەندامی هەرس، هەوكردنی ریخۆڵە كوێرە لەوانەیە پەرە بسەنێت و بتەقێتەوە ئەگەر چارەسەر نەكرێت، زۆر جاریش دەبێتە هەوكردنی قورس لە سكدا.
ئامۆژگاری دەكرێ بە زوو دەرهێنانی ئەو ریخۆڵەیە كە تووشی هەوكردن بووە، نەشتەرگەرییەكەش بە پێنۆڕ ئەنجام دەدرێت، تایبەتمەندی پێنۆڕی سك ئەوەیە كە توانای پشكنینی تەواوی سك و دۆزینەوەی هەر هۆكارێكی دیكەی ئازاری هەیە بەتایبەتی كە ریخۆڵەكە تووشی هەوكردن نەبووبێت، ئەمەش لەوانەیە لە 15%ی حاڵەتەكانی دەستنیشانكردنی هەوكردنی ریخۆڵە باریكە رووبدات.